Եվրոպական հեռարձակողների միությունը, որը «Եվրատեսիլ» երգի մրցույթի կազմակերպիչն է, մերժել է Ուկրաինայի նախագահ Վլադիմիր Զելենսկիին մրցույթի եզրափակչում (տեղի կունենա մայիսի 13-ին Լիվերպուլում) հանդիսատեսին տեսաուղերձով դիմելու խնդրանքը։ Այդ մասին գրում է The Times-ը։
Միջոցառման կազմակերպիչները կարծում են, որ Զելենսկու ուղերձը «Եվրատեսիլ»-ի 160 միլիոնանոց հանդիսատեսին՝ Ուկրաինային աջակցելու կոչով, կարող է քաղաքականացնել մրցույթը։
««Եվրատեսիլ» երգի մրցույթը միջազգային ժամանցային շոու է՝ խիստ կանոններով և սկզբունքներով, որոնք հաստատվել են ամենասկզբից:Դրա հիմնաքարերից մեկը միջոցառման ապաքաղաքական բնույթն է։ Այս սկզբունքն արգելում է մրցույթի ընթացքում քաղաքական կամ այլ հայտարարություններ անել:
«Եվրատեսիլ» երգի մրցույթում հանդիսատեսին դիմելու պարոն Զելենսկու խնդրանքը, թեև այն արվել է բարի նպատակներով, ցավոք, չի կարող բավարարվել Եվրոպական հեռարձակողների միության ղեկավարության կողմից, քանի որ դա հակասում է միջոցառման կանոններին»,- The Times-ին հայտնել է կազմակերպիչների ներկայացուցիչը։
Նյութի աղբյուր – tert.am
