Դեկտեմբերի 30-ին Ադրբեջանի Խըզըյի շրջանում գտնվող
«Ղարահեյբաթ» ռազմական օդանավակայանում տեղի ունեցած ուղղաթիռի վթարի հետևանքով 14 մարդ է զոհվել, հաղորդում է երկրի Պետական սահմանապահ ծառայությունը։
Գերատեսչության փոխանցմամբ` ավիավթարի 14 զոհերից 13-ը սպաներ են, այդ թվում` մեկ գնդապետ, մեկ փոխգնդապետ, հինգ մայոր և չորս կապիտան։ Նույն աղբյուրի հաղորդմամբ` ևս երկու զինվորականներ՝ փոխգնդապետ Էմիլ Ջաֆարովը և կապիտան Ռամին Ադիլովը տարբեր աստիճանի վնասվածքներով տեղափոխվել են հոսպիտալ։
Վթարի առթիվ Ադրբեջանի Գլխավոր դատախազությունը քրեական գործ է հարուցել «Թռիչքների և դրանց նախապատրաստման կանոնների խախտման» հոդվածով։
Նյութի աղբյուր – azatutyun.am
Նյութի աղբյուր – style.news.am
