Sotheby’s աճուրդի տունն աճուրդի է հանել եզակի սեւ Enigma ադամանդը, որը, վարկածներից մեկի համաձայն, Երկիր է հասել տիեզերքից։ Այս մասին հայտնում է CNN-ը։
Նշվում է, որ քարի քաշը հատումից հետո 555,55 կարատ է։ 2006 թվականին այն գրանցվել է Գինեսի ռեկորդների գրքում՝ որպես աշխարհի ամենամեծ հատված ադամանդ։
Enigma-ի ծագումը պատված է առեղծվածով: Ենթադրվում է, որ քարը Երկիր է ընկել տիեզերքից՝ կա՛մ երկնաքարի բախման հետևանքով, կա՛մ «ադամանդակիր» աստերոիդից, որը բախվել է մոլորակին:
Այս չափսի բնական կտրվածքով սև ադամանդը «չափազանց հազվադեպ» է պատահում: Ակնկալվում է, որ այն կվաճառվի 6,8 մլն դոլարով Լոնդոնում փետրվարին կայանալիք աճուրդում։ Քարի հատվածքը կարծես ոգեշնչված լինի մերձավորարևելյան պաշտպանիչ ամուլետներից: 5 թիվը չափազանց շատ է կրկնվում այս չքնաղ ու խորհրդավոր ադամանդի վրա: Բացի այն, որ այն 555,55 կարատի , քարն ունի նաև ուղիղ 55 երեսակ։
Sotheby’s ոսկերիչ Նիկիտա Բինանին նշել է, որ ադամանդը մասնավոր հավաքածուում է գտնվել ավելի քան երկու տասնամյակ և ազատ վաճառքի չի դրվել:
Մինչ աճուրդը՝ Enigma-ն կցուցադրվի Դուբայի, Լոս Անջելեսի և Լոնդոնի ցուցահանդեսներում։ Փետրվարի 3-9-ը տեղի կունենա մասնագիտացված առցանց աճուրդ։
Նյութի աղբյուր – shantnews.am
Նյութի աղբյուր – style.news.am