Կովկասյան տարածաշրջանում լարվածությունը պահպանվում է՝ չնայած Հայաստանի և Ադրբեջանի միջև բանակցային գործընթացում դրական արդյունքներին։ Այս մասին այսօր՝ մայիսի 16-ին, մամուլի ասուլիսի ժամանակ ասել է Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասը։
Ռազմաքաղաքական դաշինքի վարչական ղեկավարն ամփոփել է Մոսկվայում կայացած ՀԱՊԿ հոբելյանական գագաթնաժողովը։
«Հայ-ադրբեջանական սահմանին զինված միջադեպերը չեն դադարում. այս պայմաններում ռուսական խաղաղապահ զորախումբը (Լեռնային Ղարաբաղում) կարևոր դեր է խաղում իրավիճակի կայունացման գործում՝ ապահովելով 2020 թվականի նոյեմբերի 9-ի եռակողմ համաձայնագրերի պայմանների կատարումը»,- ասել է Զասը։
ՀԱՊԿ ղեկավարները բազմաթիվ առաջարկներ են արել՝ բարելավելու կազմակերպության արձագանքման համակարգը, ասել է նա՝ մեկնաբանելով Հայաստանի վարչապետի քննադատությունը, որը ներկայումս նախագահում է ՀԱՊԿ-ում։
«Այս հարցը քննարկվել է այսօր, այդ թվում՝ հանդիպման երկրորդ մասում։ Բավականին առաջարկներ են արվել՝ բարելավելու ճգնաժամային արձագանքման համակարգը։ Այդ թվում՝ հայկական կողմը, վարչապետ Նիկոլ Փաշինյանը հայտնեց իր առաջարկները»,- ասել է ՀԱՊԿ գլխավոր քարտուղարը։
Նյութի աղբյուր – shantnews.am
Նյութի աղբյուր – style.news.am