Արցախն այս օրերին անհանգիստ է։ Ադրբեջանն այսօր նոր սադրանքի դիմեց։ Արցախում տիրող իրավիճակի վերաբերյալ «Հորիզոնին» ամփոփիչ հարցազրույց է տվել ԱՀ ՄԻՊ Գեղամ Ստեփանյանը։
«Օգոստոսի 1-ից սկսած՝ ադրբեջանական կողմը Արցախի Հանրապետության տարբեր ուղղություններով իրականացրել է սադրանքներ, և այսօր էլ առավել ակտիվ գործողություններով սրել է իրավիճակը։ Ըստ ԱՀ ՊԲ-ի՝ Ադրբեջանը հատկապես մեծ ակտիվություն է ցուցաբերել հյուսիսային և հյուսիսարևմտյան հատվածներով։ Կիրառվել են տարբեր տրամաչափի զինատեսակներ, նռնականետեր, ականանետներ, ԱԹՍ-ներ՝ հարվածային։ Այս պահին առկա տեղեկատվությամբ՝ ունենք 14 վիրավոր և 2 զոհ։ 14 վիրավորներից 2-ի վիճակը գտնվում է ծանր»,- ասաց Գեղամ Ստեփանյանը։
Գեղամ Ստեփանյանը նշեց, որ ժամը 19-ի դրությամբ, իրավիճակն ԱՀ-ում հարաբերականորեն կայուն է, բայց լարվածությունը դեռևս չի թուլացել։
«Ադրբեջանական կողմը տարբեր ուղղություններով պահպանում է լարվածությունը»,- ասաց Ստեփանյանը։
Մանրամասները՝ տեսանյութում։
Նյութի աղբյուր – shantnews.am
