Իրանի ԱԳՆ խոսնակ Նազեր Քանանին իր ամենօրյա ասուլիսում անդրադարձել է ԱՄՆ Կոնգրեսի Ներկայացուցիչների պալատի նախագահ Նենսի Փելոսիի հայաստանյան այցին։ Նրա խոսքերով՝ լարվածության և անկայունության աճը Հարավային Կովկասում չի համապատասխանում ներգրավված և հարևան և ոչ մի երկրի շահերին։
«Խաղաղությունը, կայունությունն ու անվտանգությունը տարածաշրջանում հարկավոր են տնտեսական զարգացման և բարգավաճման, առևտրատնտեսական հարաբերությունների ծաղկման համար։ Մենք չենք ընդունում այս շրջանակից դուրս որևէ սադրանք և տարածաշրջանում անկայունության հրահրում»,- ասել է Քանանին։
Նյութի աղբյուր – shantnews.am
